TGA 4b1. Unha fotografía … ¡ mil palabras!

¿Cómo evolucionou o xeito de narrar de tres xeracións diferentes? Esta pregunta será o punto central da nosa análise.
Para isto, utilizaremos fotografías de dous tipos distintos. En primeiro lugar, imaxes simbólicas que representen movementos históricos importantes ou correntes de pensamentos, e así analizar o que isto inspira ós entrevistados.

Por outra banda, usaremos fotografías vinculadas a cada entrevistado e a cada época, pero sempre tocando uns temas principais, de tal xeito que poidamos establecer diferenzas, xa non só entre as narracións (vocabulario, acento, entoación, focalización…) senón tamén noutros aspectos, para confirmar ou desbotar a hipótese de se cambian ou non co paso do tempo, tales como as diferenzas entre o urbano e o rural, costumes de antes e de agora, a importancia que se lle dá a cada cousa….

Esta primeira semana estivemos considerando os instrumentos que resultarán útiles para analizar as narracións, e decantámonos pola entrevista en profundidade, sempre a partir de fotografías. Realizámola con poucas preguntas, pero que dean paso ós entrevistados a construír un relato sobre as propias fotografías.
TGA 4b1 GI4