Internet como mesías da cultura?

Se pola semana o meu consumo de medios  é moderado, pola fin de semana chega a resultar incluso prexudicial porque pásome os tres días vendo a televisión e escoitando música en youtube. Grazas a esta canle puiden coñecer a música de novos grupos ( música que logo descargo no meu ordenador). Por esta razón non estou nada dacordo cas medidas de restrición na rede. Como dicía Álex de la Iglesia na gala dos Goya, internet é o futuro da música e do cine porque  pon a cultura á disposición do usuario de xeito totalmente gratuíto. Non todos nos podemos permitir o luxo de gastar vinte e pico euros nun cd ou trinta nun concerto de música ( aínda que hai ocasións que o requiren) polo que temos que recurrir á ” ilegalidade da descarga”.

A partires do venres teño máis contacto cos medios de comunicación porque durante a semana nin teño conexión a internet  e só accedo a unhas determinadas canles de televisión. Pola noite, para rematar ben o día, aproveitei para conectarme ás redes sociais ( Tuenti e Facebook ) para falar un bo anaco cos amigos.

V4 Villar Pardo, Soraia 25/02/2011