ALEX e Marañón: dous modelos distintos de acción social

A semana anterior analicei diferentes medios de comunicación locais e decidín escoller a canle de radio-televisión de Berlín ALEX, por considerala interesante a nivel de estrutura e organización. Como medio americano optei pola canle televisiva Parinacota TV, xa que nalgúns vídeos da súa web, a súa actividade parecía interesante . Despois de pensalo e analizalo co profesor en clase, este comentoume que ALEX era unha boa idea pero que era mellor que o analizara como radio. Por este motivo, (unido á falta de contactos en Chile) desbotei a opción de Parinacota TV e reemplaceina, despois da búsqueda en clase, por Radio Marañón, unha canle de acción social pertencente á rede AMARC e moi importante da zona Norte Oriente de Perú. Deste xeito, a miña primeira semana de análise a dediquei a atopar recursos na rede, Internet. No realtivo a ALEX, o profesor facilitoume un vídeo-cámara dunha visita polas instalacións deste medio, e un extracto sobre unha entrevista realizada a Volker Bach, o seu director. Ademáis, a propia páxina web de ALEX ofrece bastantes posibilidades de actuación, xa que puiden obter dende aquí a súa emisión en directo (á que puiden acceder con algunha dificultade idiomática), así como a programación e a descrición dos programas que se emiten, o que me serviu, en grande medida, para acceder á realidade do medio, cun sistema de participación, tal e como puiden comprobar en páxinas webs e xornais.

Por outra banda, no tocante á Radio Marañón, atopei bastante información, tanto como na acción social da radio como no tocante a teoría acerca das radios e medios comunitarios en Perú, que me servirán de moita axuda no meu traballo. Así, despois de entender cómo funcionan as radios, a semana que vén comenzarei a escoitalas e a recoller e ler libros para axudarme nos marcos elixidos.

Daniel Luaces Eiras