Imaxe e lembranza: Das orellas e os roscóns ás pizzas e as hamburguesas.

Seguimos na mesma fase. As palabras de cada un dos entrevistados flúen sen cesar a través de cada fotografía. Abandonamos a época da emigración pola da inmigración, tamén os 600 polos FU e logo os Volkswagen, a peseta polo euro, a ditadura pola democracia… As anécdotas, pola súa banda, seguen a sorprendernos: un exemplo claro é o Entroido. A antiga esencia de reunirse para imaxinar e elaborar manualmente os disfraces evolucionou (ou quizais  “dexenerou”) nun tempo non que sinxelamente non hai clase. Pasamos dos disfraces feitos a man ós mercados en grandes almacéns, e outro tanto se reflite no eido gastronómico. As orellas do Entroido cambiáronse por pizzas e o roscón de Pascua encheuse de carne e rebozouse en ketchup ata volverse unha hamburguesa.

Pero, certamente, a sorpresas comezan a ir algo máis aló das meras curiosidades e por fin comezamos a albiscar diferenzas no puramente tocante á narración. Así, destaca como a xente maior adoita falar das persoas mentres que a xente nova se centra en maior medida nos lugares ou no contexto, como algo tan sinxelo como a grabadora impón moito máis ós que sobre o papel deberían estar máis familiarizados con ela…

GI4 4B1