Cousas, Retrincos, Medios

Bo día para a comunicación: a páxina de El País, continuamente renovada, non auguraba un bo presaxio para a situación nipona. O Marca e NBA foron puro entretemento: sempre dan para falar con alguén posteriormente.

Xa na clase, precisamente, falo con un par de compañeiros sobre o partido do día anterior (Real Madrid-Lyon) e a clasificación do equipo da capital. Os homes temos unha serie de tópicos que sempre permiten establecer conversa, non importa o momento: deportes e mulleres. A partir de aí, cada un aporta a súa opinión, pero sempre hai lugar para a comunicación.

O De Luns a Venres vai perdendo o meu respeto como xornal progresivamente: cada vez que o leo, teño a sensación de que se destrúe o concepto de prensa seria tal e como o coñecemos. Así opinan tamén os meus compañeiros, tal e como discutimos ó acabar as clases. Díxose que non se pode tratar de xeito tan informal a realidade, centrándose só en aspectos nimios e insulsos. Pero alomenos é gratuíto, e quizáis ese sexa o condicionante prinicpal.

Pola tarde, despois de comer, tivemos unha pequena liorta na casa a raíz dun artigo publicado nunha revista de Historia sobre a figura de Adolf Hitler. Dous dos meus compañeiros de piso alegaban que, a pesares da inhumanidade que propugnou, alomenos soubo elaborar un sistema coherente, sólido e estable. Eu tenteillo rebatir dende a miña perspectiva, dicindo que o fin non xustifica os medios neste caso. Tras unha media hora de discusión, ningún dos bandos se puxo de acordo co outro.

A iso das 19:00, fumos vender uns libros usados a Follas Vellas, a ver se nos daban algo. A verdade, o dependente apenas nos prestou atención: dixo que xa os revisaría co seu superior e que nos pasásemos de volta por alí para ver canto nos ofrecían. Un verdadeiro imbécil que se comportou con condescendencia todo o rato.

Pola noite, cena cos amigos a raíz do cumpreanos dun. O humor foi continuo: había fraternidade e confianza entre todos, posto que as nosas quedadas son frecuentes. Aínda a berros, en susurros, ou simple charla normal, a conversa foi fluída e agradable.

 

Luengo Miguel del Corral, Rubén      Grupo TGP 2M

Posted on 18 Marzo, 2011, in Sen clasificar and tagged , . Bookmark the permalink. 1 comentario.

  1. pensei que era un tópico, iso
    [as mulleres “roupa” e “homes”?]

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: