Asociación “A Rebolta”

A Asociación Medio ambiental “A Rebolta” naceu de xeito lexítimo (inscrito no rexistro de asociacións de Galicia) o 31 de maio do ano 2010 na parroquia cruceña de Camanzo co obxectivo de “promover e afianzar os valores do medio natural, especialmente os da zona entre os socios e veciños, concienciando  na responsabilidade persoal de todos na súa conservación e protección”, tal como se recolle nos seus estatutos. A súa estrutura organizativa está configurada por algúns dos veciños e veciñas da aldea camanceira, entre os que se atopa a integrante do grupo Soraia Villar Pardo, que desempeña a labor de secretaria de dirección. As demais membros colaboran coa asociación na pega de pancartas, recollida de firmas e na asistencia ás reunións. Os obxectivos específicos da asociación son:

– Desbroce por parte dos socios/as das masas comúns  que están totalmente abandonadas dende hai anos.

– Reivindicar unha mellor sinalización dos tramos de vía.

– Solicitar contedores para a reciclaxe dos residuos.

– A mellora dalgúns tramos de estradas, totalmente  desfeitos polo tránsito dos camións e tráilers.

Grupo TGP: 4V