Novos medios en galego

            O sistema mediático galego viu nos últimos tempos cómo moitos dos seus medios máis representativos desaparecían deixando un baleiro nos lectores ou como moitos deles sufrían grandes recortes de persoal a causa da crise. É o caso dos xa desaparecidos Galicia Hoxe e Xornal de Galicia ou de El Correo Gallego. En dous anos desapareceron da Rede e dos quioscos a maioría das cabeceiras informativas en galego e reduciuse drasticamente a pluralidade informativa.No ámbito nacional ocorreu o mesmo, coa recente desaparición do xornal Público, que continúa na súa versión online, ou da canle de noticias CNN+. A esta situación súmanse a crise da prensa tradicional e a diminución dos medios de comunicación na nosa lingua, así coma os recortes de presuposto, a caída das vendas e os consecuentes despedimentos como consecuencia da actual crise económica.

            Neste contexto nada esperanzados, Galicia veu nacer dous novos medios en galego: Dioivo e Praza Pública. O primeiro defínese coma un proxecto dixital cooperativo en galego, aberto á participación tanto de lectores coma de profesionais, baseado na vontade dun grupo de xornalistas que decidiron tomar a iniciativa. Praza Pública é un novo xornal dixital en lingua galega que ansía contribuír desde o pluralismo, a independencia de criterio e a crítica á súa construción, abríndose á participación dos cidadáns. Ambos medios están abertos ás doazóns dos seus lectores, que son o principal eixo do seu traballo, precisamente porque son conscientes de que non hai unha boa información sen o diálogo permanente cos lectores.

            Na situación actual o menos axeitado é o silencio e son precisos novos medios para mellores tempos. Son necesarios proxectos informativos cos que dar vida a un espazo de comunicación e diálogo cidadán. Parece que, no fondo, non todo está perdido e aínda xorden iniciativas interesantes tanto para os lectores coma para os profesionais do medio.

Uxía Bereijo Piñón S1F

Posted on 12 Marzo, 2012, in Sen clasificar and tagged , . Bookmark the permalink. 4 Comentarios.

  1. Noemí Valderrama Vázquez

    En mi opinión, esto es una simple transición. Sí, están desapareciendo infinidad de medios, tanto a nivel gallego, como nacional e internacional. A su vez, están naciendo nuevos medios reivindicativos, como así parece que se hacen llamar. Sin embargo, es algo que va a ocurrir hasta el fin de los días. No creo que nos encontremos en el final de los finales, sino, simplemente, un hecho.

    • Uxía Bereijo Piñón

      Está claro que nos atopamos nun proceso de transición, pero a pesares diso, sempre é unha mala noticia que desaparezan medios de comunicación de calquera tipo porque isto constitúe unha perda de pluralidade informativa que non beneficia nin ós profesionais nin á sociedade.
      Creo que é necesario afondar máis nas posibilidades que ofrecen os novos medios, que aínda non alcanzaron o seu máximo nivel de desenvolvemento. Pero o cambio é paulatino e tanto os profesionais coma os lectores debemos adaptarnos pouco a pouco a un contexto totalmente diferente ó que coñecíamos ata o de agora.

  2. Lara Lozano Aguiar

    Non podemos desesperarnos porque desaparezan os medios e tampouco podemos cruzar as mans e ver pasar o tempo. Creatividade e iniciativa é o que temos que ter. De que serve cruzarse de brazos? Eu penso que de nada! Confiemos en nós e poñámonos as pilas para que o xornalismo continúe en pé e sendo de calidade.

    • Uxía Bereijo Piñón

      Estou totalmente de acordo. En vez de queixarnos tanto deberíamos traballar por atopar novas alternativas ós medios tradicionais e explorar a multitude de posibilidades que nos ofrecen.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: