“ProT: Memorias de DOWN Compostela”

Atopámonos nestes días xa coa elaboración das memorias do traballo.

A experiencia do noso grupo ProT coa fundación DOWN Compostela foi realmente enriquecedora para todos nós, tanto académica como persoalmente.

Profundizamos e aprendemos moitas cousas novas sobre as persoas con obstáculos na expresión e na comprensión, pero sobre todo fomos capaces de comezar a velas como persoas capaces e non como discapacitados. Nisto incide moitísimo a fundación de cara ao público, como puidemos comprobar en todos os actos aos que asistimos, vendo o grande traballo e o esforzo que levan a cabo.

Neste tempo puidemos observar e empaparnos do exemplo de superación que son tanto traballadores como usuarios desta asociación.

Verdadeiramente a metodoloxía do traballo foi activa e moi interesante, na nosa opinión. Pensamos que fomos traballando ben, os catro membros do grupo coordinámonos correctamente e fomos desempeñando as diferentes funcións que requiriron todas as actividades nas que traballamos coa fundación.

Cabe destacar que dende DOWN Compostela nos trataron estupendamente, e quedámonos como anécdota co picoteo ao que nos invitaron tras a entrega de premios que tivo lugar no Hostal dos Reis Católicos, onde coincidimos casualmente co xa ex alcalde da cidade, Xerardo Conde Roa.

Ferro Falcón, S2A, 2A3