Think global, act local

A globalización mudou ou está a mudar o nosos xeito de percibir e interpretar o mundo, transformando tamén a acción humana no espazo local ou comunitario.

Actualmente estase facendo cada vez máis patente a existencia dunha dobre e simultánea tendencia da comunicación neste novo século. Trátase do fenómeno da globalización e da atención ao local. Son dúas caras dentro do mesmo mundo informativo.

O local busca o seu espazo na proximidade, mentras que a tecnoloxía e a economía nos conducen a un escenario que cada vez ten menos barreiras. Ese proceso xeneralizado, ven sendo aquilo ao que algúns estudosos da comunicación fan referencia a través do neoloxismo inglés Glocalización. Trátanse de procesos de desarraigo de artefactos, comportamentos e relacións nun contexto local globalizado. A glocalización supón para Castells, destacar o ámbito urbano e o papel xestor-coordinador-promotor dos gobernos locais para a implementación de políticas que teñen en conta uns referentes globais e que se posicionan respecto a eles.

Materiais, Tema VII: “A divulgación global significa unha circulación do “local”, xa que ao “localizarse” de novo desde o global, reapropiase do/co carácter local. Son xa formas transnacionais de organización e acción política, divulgadas polo sistema-mundo pola rede”.

Que pensades da glocalización? Que aspectos credes que tenden máis ao local e cales camiñan, ou están xa arraigados na globalización?

Yáñez Castro, S3D, 4B1