Unha festa comunica a esencia do seu pobo

Esta fin de semana pasada foi a Festa da Lamprea en Arbo, concello pertencente á comarca do Condado, veciño de A Cañiza de onde eu son.

Arbo é a vila da lamprea desde fai agora cincuenta e un anos.  En 1961 celebrouse o primeiro día desta festa que agora conta con tanta tradición. De feito, xa en 2005 acadou o título de “Festa de interese nacional”. Pero, para lograr esa fama os veciños tiveron que traballar arreo para este recoñecemento. Os restaurantes da zona e os pescadores foron promotores anónimos pero a labor dos alcaldes de Arbo ao longo da súa traxectoria tamén foi vital.

Como dixo un día o xornalista Fernando Ónega: “benaventurados os que tedes un río que fai posible a lamprea; benaventurados os que tedes arte para sacala ada auga en largas noites de espera; benaventurados os que a tedes tan preto para facela un dos vosos patrimonios”.

A frase anterior resume moi ben todo o que é o proceso anterior á realización da festa propiamente dita. Durante a tempada de pesca, os pescadores da zona poñen as redes en cadansúa pesqueira e polas mañás ben cediño retíranas co desexo de ter moitas lampreas dentro. Aínda así, este ano malia estenderse o períodos de pesca ata o 12 de maio non hai case lampreas debido ás condicións climatolóxicas, non moi favorables para esta tarefa.

Grazas a esta festa, a vila arbense adquiriu grande importancia dentro do mapa galego. E son moitos os xornalistas, escritores e fotógrafos que veñen cubrir noticias ou reportaxes sobre este fenómeno: Cesáreo Sáenz Uriondo, Álvaro Cunqueiro, J. María Catroviejo, Cameselle…

Eu creo que ten que haber mil primaveras máis para esta festa e para todas aquelas que identifican un pobo. É algo que nos fai distintos dos demais, igual ca una personalidade.

Image

Gesteira Estévez

S2D

2b1

Posted on 8 Maio, 2012, in Documentos and tagged , , , . Bookmark the permalink. 6 Comentarios.

  1. Beatriz Yáñez Castro

    Este tipo de festas son polas cales un se sinte moi orgulloso de vivir onde vive, e polo menos a ti nótaseche no teu post. A verdade é que eu non escoitara falar da festa (ilusa de min…) e quen sabe, mediante o que escribiches puxécheme ganas de ir! As celebracións deste tipo deben seguir manténdose porque, de seguro, que na túa festa se volca todo o municipio e atrae a moita xente. A min pásame o mesmo coa miña localidade, cando todo o mundo colabora e ten ganas de manter viva unha celebración deste tipo as cousas funcionan e saen adiante.

  2. hortensia gesteira estévez

    Moitas grazas, Bea! a verdade é que desde fai uns anos sinto moita paixón por esta festa e pola vila de arbo en xeral. Oxalá te pases se tes algunha oportunidade porque, ao meu parecer, non ten desperdicio. E digo isto sen ansias de propaganda que eu son nativa do pobo veciño!
    Galicia conta con moitas festas onde os produtos típicos dunha zona son os que destacan e a fan especial,diferente a outras.

  3. Lara Lozano Aguiar

    Sinteste identificada con ese pobo, e iso nótase só con ler o que escribes del. A lamprea formará parte do pobo pero ti tamén por estar namorada da túa terra. Encántame que aínda haxa xente que desfruta da terra na que naceu, que non rexeita a súa comunidade e que reivindica o que nela se fai. A verdade é que os produtos dun lugar fannos partícipe del. Eu son da terra Chá e tamén sinto certo aprecio polos produtos da miña comunidade. Oxalá nunca rematen de facerse festas deste tipo porque son unha porta para dar a coñecer o significado dun pobo e da súa xente.

    • hortensia gesteira estévez

      Grazas Lara. Claro que me sinto identificada con esa terra. Á fin e ao cabo, un lugar é o que é pola xente que disfruta nel.

  4. Este tipo de festas son un gran orgullo a nivel persoal. O feito de querer manter viva a tradición axuda a que as persoas colaboren entre si e acurtan as distancias. Persoalmente non coñecía esta festa pero polo ben que falas dela haberá que ir algún día.

    • hortensia gesteira estévez

      Paréceme moi interesante o que dis de que se acurtan as distancias ao colaborar neste tipo de eventos. Iso lévame a afirmar que na organización destas festas si que ten que haber un entendemento entre os colaboradores perfecto, senón xa non sae todo ben.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: