Paso a paso

Estas últimas semanas estivemos estudando o amplo concepto de ciencia, que non responde ao que moitos teñen en mente: química, física, matemáticas… Co fin de conseguilo, entrevistamos á maioría dos integrantes de HistAmérica. Entre eles atopamos numerosas semellanzas á hora de entender o propio concepto de ciencia, e, como era de supoñer, as súas queixas, polo xeral, foron as mesmas. A estas alturas todos sabemos xa o que significa en realidade o concepto. A ciencia (do latín scientĭa ‘coñecemento’) é o conxunto ordenado de coñecementos estruturados sistematicamente. Tamén intentamos atopar diferencias entre o labor dos grupos de ciencias sociais e os de ciencias puras. Vimos entre eles moitas discrepancias, e non só en canto ao financiamento, un tema recorrente no noso traballo.

Eduardo Rey, investigador en HistAmérica

O seguinte paso, despois de determinar e saber como funciona o grupo por dentro, vai ser estudar a comunicación deste co gabinete de prensa, cos medios de comunicación e coas universidades estranxeiras. Falaremos co Correo Gallego, co que hai algún tempo tiveron un problema (non queremos adiantar que foi o que pasou porque consideramos que é algo bastante curioso e que vai chamar a atención de todos, e sería unha pena falar contando só coas declaracións dos integrantes do grupo, sen contrastar co propio medio de comunicación). A maiores, trataremos de afondar aínda máis nas relación persoais que se establecen entre os compoñentes do grupo. Este traballo non é fácil, posto que nos está costando moito coñecer os problemas que poden chegar a ter entre eles. Este estudo levarémolo a cabo nas próximas semanas. Ademais, imos pedir outra entrevista con Patricia (xornalista). Consideramos que sería bo aproveitar a súa figura e espremela un pouco máis, xa que é a figura esencial para o noso traballo dentro do grupo de investigación. Esta figura é precisamente da que, dende o noso punto de vista, máis carecen os grupos. De feito temos en mente poñernos en contacto con outros grupos de investigación. A partir disto estableceremos unha comparación que nos permita determinar cal é a importancia de Patricia dentro do grupo.

Grupo de traballo 151.B00

BRANDARIZ PORTELA, TANIA 151.B01

CAAMAÑO DEUS, SOFÍA 151.B02

CAMPOS NIETO, PABLO 151.B03

CASAS QUIROGA, PABLO 151.B04

FILLOY MARTÍNEZ, LAURA 151.B05