Malos fumes

Hoxe, luns,estou desbordada. Levanteime  pensando en todo o que teño que facer e non vin nada que me motivase, nin tan sequera o tempo acompaña. Despois de ir a clase e de traballar a mediodía sobre o cine en Galicia mentres tiña o informativo de TVE de fondo, decidín que debería facer unha pausa na miña tan ocupada vida de estudante con mil traballos sen rematar, para consultar a prensa mentres comía algo e ir tomar o aire coas miñas compañeiras de traballo “cinematográfico”. O descanso era perfecto ata que pasou un bus diante de nós, obrigándonos a respirar unha bafarada de fume que saía do seu tubo de escape. Iso recordoume a unha noticia que vira no telexornal, na que se falaba de que no 2050 non se permitirán coches que consumen combustible nas cidades. En seguida nos puxemos a debater e chegamos á conclusión de que agora mesmo, unha cidade, un mundo sen contaminación automobilística é, cando menos, inimaxinable. Trátase dunha utopía perfecta nun mundo que depende tanto de enerxías non renovables e que non fan máis que contaminar e destruír o lugar onde vivimos. E voltando ao mundo, despois de respirar unha bocanada de “mal fume”, segumos traballando. Mañá, será outro día.

Mourelos Mascato, TGP 3Q