A febre do ouro

As Médulas de León. Fonte: http://www.turisleon.com

A minería é unha profesión de longa tradición. Xa os romanos a practicaban. Resultado da extracción de ouro por parte do Imperio Romano son As Médulas, en León. Trátase dunha paisaxe que destaca polo xurdimento dun entorno caracterizado polas caprichosas formas do terreo e pola cor vermella do mesmo. Pero os métodos de extracción dese valioso metal dourado sí que cambiaron. Mentres que os romanos o conseguían empregando a forza da auga (o cal non contaminaba), na actualidade utilízanse químicos moi contaminantes como son, por exemplo, o cianuro ou o arsénico.

Fonte: http://www.teinteresa.es

En España temos casos moi similares ao de Corcoesto e un deles é o sucedido en Salave (Asturias). A empresa Asturgold, unha compañía mineira da que é dono o consorcio de inversión ruso-canadense CP Capital, tiña un gran interese no gran depósito de ouro escondido baixo este pobo da costa cantábrica. Ao igual que o sucedido en Corcoesto esta empresa tamén conseguíu os dereitos de excavación por parte do goberno, pero os veciños e un grupo de activistas opuxéronse. Xurdíu así a plataforma ‘Oro No’, a cal conta cun blog (orono.blogspot.com.es). Ao igual que os veciños de Corcoesto, estes manifestan que a mina destruiría o ecosistema local e que repercutiría negativamente na saúde das persoas, xa que na extracción de ouro emprégase cianuro. Pola súa parte, Asturgold negou que se fose empregar cianuro nas súas minas e na súa web defenden que o Medio Ambiente é o seu compromiso (www.asturgold.es). Como consecuencia da paralización da mina de Corcoesto, a plataforma ‘Oro No’ manifestou a súa satisfacción e pidíu ao Principado que tomase exemplo e paralizase a tramitación do proxecto mineiro en Salave. Finalmente conseguiron o seu propósito. No mes de novembro do ano pasado, a Coordinadora Ecoloxista de Asturias anunciou a paralización dos sondeos que a empresa Asturgold realizaba en Salave alegando que non se estaban cumprindo as condicións pactadas. Outro exemplo de que a unión do pobo fai a forza.

Rial Maneiro, Ana 143 B03